Тыйаатыр сылынан

Тыйаатыр сыла биллэриллэн, Ньурбатааҕы үөрэҕирии салаата оройуон оскуола иннинээҕи саастаах оҕолору сайыннарар кииннэрин,уһуйааннарын үлэһиттэрин ыккардыгар классическай айымньылары туруорууга күрэх биллэрбитэ. Тохсунньу 26 күнүгэр Ньурбатааҕы судаарыстыбаннай көһө сылдьар драматическай тыйаатырга кырачааннары иитэр,үөрэтэр үлэһиттэр мустан бэлэмнээбит туруорууларын көрдөрдүлэр. Дьүүллүүр сүбэҕэ тыйаатыртан СӨ үтүөлээх артыыһа Борис Борисов,худуоһунньук Туйаара Львова уонна «Северяночка» уһуйаантан Прасковья Архипова үлэлээтилэр. Артыыс Борис Борисов күрэх түмүктэрин кэпсээтэ: «Үөрэҕирии үлэһиттэригэр маннык күрэх буолбута кэрэхсэбиллээх, оҕону кытта үлэлиир дьон айар куттаах,барыга бары талааннаах буолаллар дии саныыбын, сылын аайы иитиллээччилэригэр испэктээкил туруораллар,быйыл аны бэйэлэрэ оонньоотулар. Тыйаатыр сылыгар анаммыт күрэххэ куораппыт аҕыс тэрилтэтэ кытынна, түмүккэ «Аленушка» уһуйаан Николай Гоголь «Вечера на хуторе близ Диканьки» айымньытынан туруорбут испэктээктэринэн маҥнайгы миэстэни ыллылар,иккис бочуоттаах миэстэни «Кэскил» уһуйаан эмиэ Гоголь айымньытынан «Ночь перед рождеством», үһүс миэстэни «Туллукчаан» Суорун Омоллоон «Хонтуора тойоно» диэн сатирическай сценкатын туруоран ыллылар. Номинациялар кыайыылаахтарынан буоллулар: «Бастыҥ дьахтар оруола» — «Светлячок» уһуйаан иитээччитэ Наталья Федорова Ньырбакаан оруолун иһин, «Бастыҥ эр киһи оруола» «Кэскил» уһуйаан үлэһитэ Юрий Григорьев «Ночь перед Рождеством» Вакула оруолун иһин, «Бастыҥ афиша» -«Светлячок», «Бастыҥ киэргэтии» -«Родничок» уһуйаан «Муха-Цокотуха» туруоруутугар киэргэтиитин иһин, «Бастыҥ режиссер үлэтэ» — «Кыталык» уһуйаантан Изабелла Семенова Суорун Омоллоон «Хараца5а тыкпыт сырдык» айымньытын туруоруу иһин , «Бастыҥ музыканан киэргэтии» — «Малышок» уһуйаан «12 месяцев» остуоруйатын иһин,»Бастыҥ уус-уран дизайн» — «Аленушка». Тыйаатыр икки анал бириистэрин «Туллукчаан» уһуйаан «Хонтуора тойоно» туруоруутун иһин уонна «Кыталык» уһуйаан «Хараҥа5а тыкпыт сырдык» үлэтин иһин туттардыбыт».

WhatsApp Image 2019-01-25 at 19.30.22  WhatsApp Image 2019-01-26 at 13.43.28WhatsApp Image 2019-01-26 at 13.43.30